قانون الاصطفاف :
إذا صاف في طابور بطيء وقمت غيرته، طابورك اللي غيرته فجأة يصير يمشي أسرع من اللي انت الحين فيه
قانون التلفون :
عمرك ما تتصل على رقم غلط ويطلع مشغول
قانون التصليح :
بعد ما إيدك تتزيت وتتوسخ من الشحم ودهن الماكينة، خشمك يبدأ يحك
قانون المعدات :
إذا طاح من إيدك أي شي، تأكد انه بيظل يتـدحرج إلى أن يوصل لأسوء مكان ما تقدر تطلعه منه
قانون الأعذار :
إذا تأخرت عن الدوام وقلت لرئيسك أن كان عندك بنشر، اليوم اللي بعده تبنشر من جد
قانون المسبح:
بعد وضع جسمك في الماء، يبدأ التلفون يرررررن وما يسكت
قانون الالكترونيات :
اذا أخذت جهاز عند مصلح تبي توريه انه ما يشتغل، وقتها يشتغل أحلى كلام
قانون القهوة :
أول ماتجيب لك كاس قهوة ساخن، يجي رئيسك ويعطيك شغلة ما تخلص إلا لما تبرد قهوتك
قانون المصادفات :
إذا كنت مع واحد أو وحدة ماتبي حد يشوفك معاهم، فجأة كل اللي تعرفهم يطلعون من كل مكان
قانون الأقساط :
إذا عندك سيارة أو طراد أو أي سلعة مطلوبه للأقساط،،، مجرد أن تنتهي الأقساط تخترب
قانون الزواج :
بعد شهرين من زواجك ... يسألونك ها في شي بالطريق ؟؟؟
قانون نهاية الأسبوع :
وأنت نايم يوم الجمعة حد النومه تدخل أمك أخوك الصغير يغثك لمن تصحى عشان غدى
قانون المعاش :
آخر الشهر لازم كل العزايم والهدايا والطلبات تزيد حبكت
قانون الطقس :
لازم بنهاية الأسبوع وانت حدك متحمس بتطلع حدائق أو تروح البر
مع الربع يصير الجو هوى وغبار وحر ورطوبه بمعنى ثاني الفصول الاربعه بيوم واحد
أخيرا قانون البحث :
إذا حبيت تدور شي معين(ما تلقاه).... مع انك كنت كل يوم تشوفه
اتمنى تكونو انبسطتو والثالثة بعد المغرب اخر وحده قبل المفاجأة بكره بحول الله .
3:21:00 م |
Category:
تأملات
|
10
التعليقات
Comments (10)
حلو مررررررررره
اغلبها تصير فعلا
ازيد من عندي
لما اكلم حرمه واقول لها ماشاء الله باص بنتي مظبوط في مواعيده
يروح الباص على بنتي وتجي من المدرسه متأخره هههه
خخخخخخخخخخخخخ حلوة فوفو يعني حاسة بالحكاية ذي
بصراحة هذه القوانين تحدث فعلا ً
وخصوصا ً قانون الاصطفاف
واخوي ووالدي يكرهوا الانتظار وخصوصا ً طوابير الصباح اقصد طوابير الاشارات
تحصليهم يغيروا يمين يسار الين يجيبوا لي دوخة
وكل ماغيروا خطهم للخط الي ماشيء يحصل العكس
طبعاً هم يتنرفزوا وانا ابتسم مااقدر اضحك
اخاف ينزلوني على جنب هههههههههههههه
هههههههه فعلا كلها قوانين حاصله خصوصا قانون البحث والمصادفات اضحك الله سنك
ههههه سوسو يعني ملاحظة القانون كويس تضحكي بس مو قدامهم لا يغيروا رايهم وما يشيلوك
هلا فيك
ام انس منورتني الله يبارك في سنك
يوووووووه اغلبها تصير معاي
خاصة قانون الاصطفاف وقانون راح اسميه قانون الاكل تجي الطلبات وقت الاكل لحد مايبرد
وفيه قانون اسمه قانون الاسهم هذا ايام الاسهم الله يرحمها كان زوجي اذا باع اسهم شركه ترتفع صاروا زملائه يشتروها بعد مايطلع ههههههههههه
سبحان الله يعني الدنيا ممتلئة بالقوانين الاصطفافية ... كل يرى اصطفافا من نوع اخر
سعيدة امول بمرورك يا عزيزتي
بس الاكل جهزي كل شئ حتى لا تضطري للقيام الف مرة ويبرد الاكل..
منورة اختي
في قانون النت كمان
لما يكون عمدك شي ضروري او رساله مهمه تبي تشوفيها او رتسليها
يخلص النت
خخخخخخخخخخخخخخخخخخخخ
ههههه هذا من جميل الصدف وجميل قوانين الاصطفاف
سعيدة بحضورك