قالوا في الأمثال الحجازية



في الأمثـــال حجازيــة قالوا (  حبيبك من تحب لو كان دب ) طيب ولو كان ثعلب ؟!
و قالوا ( حبسوه في كيس مع إبليس طلع إبليس منه يستغيث ) المهم إبليس براءة :) 
و قالوا ( الموية والنار ولا حماتي في الدار ) طيب الموية حتطفي النار ؟! 
و قالوا ( إللي عاجبو عاجبو وإللي ما هو عاجبو ينتف حواجبو ) نسوا أقلام الحواجب !
و قالوا (  إللي يأخذ المقصد بسوء نية تركبه جنية ) مسكينة الجنية حُبست و تورطت !
و قالوا ( إللي ما ينام في القيلولة يا جني يا ولد غولة ) النتيجة أنه جني :) 
و قالوا ( ترتر وحرير على غطاء زير ) و يبقى الزير زيرا !
و قالوا ( حيرتنا يا أقرع من فين نبوسك ) قمة التيه !
و قالوا ( حبك في قلبي يا بهية زي حب الاقرع للكوفية ) يعني افهمي يا بهية و مشي حالك !
و قالوا ( حبيتني و حبيتك و لما جاء عزرائيل من محبتي دفيتك ) و هنا التفاني في الحب :) 
و قالوا (  شنب ما تحته فلوس يحتاج له موس ) طيب الموس بفلوس !
و قالوا (  يابختك يا قصيرة جوزك يشوفك و يحسبك صغيرة ) جبر الخواطر على الله :) . 
و قالوا ( الشبشب والقبقاب صاروا أصحاب ) و أهلا بكل الأصحاب .

9:12:00 ص | Category: | 0 التعليقات

Comments (0)

إرسال تعليق