بكل الذوق والاخلاق والفن انا بكتب هموم ثقال

انا بنصفها وبالحق ابد بحكي قصتها

في يوم طفلةٍ شبت وغنتها جدايلها

و بين ازهار النرجس مشت تتهادي مشيتها

تسير وتضحك بجنون براءتها

في يوم اشرقت شمسه

دفا وبددت همه

مشت الحلوة في البستان

تدور عن صديقتها

تحب جلساتها معها

وتحب هي ضحكتها

تطيرها ..تدغدغ حلمها الفتان

وترفعها لسماء بعيدة

تحلق في هبائتها

ويوم من ايام محنتها

لقت حبها مكسور

لقت مرجوحة مقلوبة

ولقت دنيتها تبكي

على من كان يونسها

صاحت بكل الصوت العالي

من اللي كسر هذي

لعبتها ودنيتها

وهي مكسورة تنادي

تعالي يا بعد روحي

بلعب أنا وإياك ولو تتكسر ضلوعي

انا لك دوم نسمتها..وساعتها

لمت الحلوة جدايلها

وصفت كل قصتها

حروف ودموع

ونادت يمه يا يمه

ابي مرجوحة تسعدني

أبي من يلعبني

ابي من يطيرني ويخوفني ويلم الخوف ..يضحكني

يمه يا يمه ...وين ألقى

ليه حظي أبد مهموم وكل ارجوحة افقدها

بكت ...يابنتي لا تبكي ..

عسى طيبك يجبرها

وعسى ايامك الطفلة

تداري دمعتك

وتجري في جدوال عرسك الطاهر

وعسى قلبك يكلمها

Comments (0)